हरेक १५ दिनमा भारतबाट आएको मूल्य सुची अनुसार मूल्य बढाउँदै आएको आयल निगमले पेट्रोल र डिजेल तथा मट्टितेलमा १५/१५ रुपैयाँ बढाउने निर्णय गरेको हो। अब पेट्रोलको मूल्य २०२ रुपैयाँ प्रतिलिटर तथा डिजेल र मट्टितेलको १८२ रुपैयाँ प्रति लिटर कायम भएको छ।
एलपी ग्याँसको मूल्य वृद्धि गरिएको छैन। नयाँ मूल्य कायम गर्दा पनि निगमलाई पेट्रोलमा प्रति लिटर ३४, डिजेलमा प्रति लिटर १२० र एलपी ग्याँसमा प्रति सिलिन्डर ४१६ रुपैयाँ भन्दा बढी घाटा रहेको छ। मूल्य समायोजन पश्चात पनि निगमलाई पाक्षिक ११ अर्ब ७१ करोड घाटा हुने प्रक्षेपण छ।
