उता रिलायवल डेभलपमेन्ट बैंकको शुक्रबार नै सम्पन्न भएको विशेष साधारणसभाले ग्लोबल आईएमईसँग प्राप्ती हुने सहमति जनाएको छ । साथै नेपाल राष्ट्र बैंक तथा अन्य नियमनकारी निकायको स्वीकृति लिएर असार मसान्तभित्रै एकीकृत बित्तीय कारोबार थाल्ने तयारी साथ अगाडि बढेको ग्लोबल आइएमई बैंकले जनाएको छ ।
साधारणसभाले डिडिए प्रतिवेदनको सिफारिस अनुसार रिलायवल डेभलपमेण्ट बैंक लिमिटेडको एक सय कित्ता सेयरलाई ग्लोबल आइएमई बैंक लिमिटेडको ८२.९० कित्ता सेयर दिने विशेष प्रस्ताव समेत पारित गरेको छ ।
रिलायवल गाभिएपछि ग्लोबल आइएमई बैंकको चुक्तापूँजी आठ अर्ब आठ करोड तीन लाख तथा ग्राहक संख्या ७ लाख भन्दा बढी पुग्नेछ । यसका साथै बैंकको शाखा संख्या ११२, एटिएम ११४, ५ एक्सटेन्सन काउण्टर र शाखारहित बैंकिङ्ग सेवाको संख्या ४६ पुुग्नेछ ।
बैंकले अत्याधुनीक प्रविधियुुक्त मोवाइल बैंकिंङ्ग सेवा, इन्टरनेट बैंकिंङ्ग सेवाको साथमा अष्टे«लिया, मलेसिया, भारत, दक्षिण कोरिया, कतार, युएई, बहराइन लगायतका विभिन्न मुलुकबाट रेमिट्यान्स सेवा समेत प्रदान गर्दै आइरहेको छ ।
